Sander Sekkingstad Terum og Mario Baltov Midje heidra med prestasjonsstipend.
Friidrettsutøvar Sander Sekkingstad Terum og boksar Mario Baltov Midje vart på årsmøtet til Aurland IL heidra med Flåm Utvikling sine prestasjonsstipend for gode sportslege prestasjonar i 2011.
Terum vart i fjor ungdomsmeistar på 2000 meter hinder, han fekk bronsemedalje på 3000 meter hinder i senior-NM og tok dessutan bronsemedalje på 1500 meter innandørs i ungdoms-NM. Forutan dette har han prestert heilt i toppen på fleire store stemne i Noreg og i Gøteborg.
Midje har utvikla seg vidare som boksar, og vann mellom anna gull i B-NM og i eit stort stemne i Askim. Han gjekk òg til topps i eit større boksestemne i Bergen.
